Aighneacht

Faoi: Acht na dTeangacha Oifigiúla 2003 / Dréachtscéimeanna na gComhlachtaí Poiblí

Chuig: An Roinn Ealaíon, Spóirt agus Turasóireachta

Ó : Glór Bhréifne, Glór na nGael, An Cabhán, Co. an Chabháin

Glór Bhréifne: Is coiste de chuid Ghlór na nGael é Glór Bhréifne atá gníomhach i bhforbairt na Gaeilge i gCo. an Chabháin. Duaisbhuaiteoir 2003 i gcomórtas náisiúnta Ghlór na nGael, is ea Glór Bhréifne.

Is iad baill reatha an choiste ná:

Cathaoirleach: Ronan Mac Murchaidh, Dúchasán, Drong, Co. an Chabháin
Leaschathaoirleach: Peadar Ó Naraigh, Coill an Líonáin, Béal Átha Conaill, Co. an Chabháin
Rúnaí: Pádraig Ó Cuinneagáin, Garraí Mór, Béal Átha na nEach, Co. an Chabháin
Cisteoir: Iognóid Ó Muircheartaigh, 2 An Creagán, An Cabhán, Co. an Chabháin
Oifigeach Caidrimh Phoiblí: Máire Nic Suibhne, Corrghlas, An Cabhán, Co. an Chabháin
Oifigeach Coiste: Fionbarr Ó Baoill, 61 Ardchaoin, An Cabhán, Co. an Chabháin

Moltar go gcuirfí na moltaí a leanas a bhaineann le Dréachtscéimeanna na gComhlachtaí Poiblí agus Acht na dTeangacha Oifigiúla 2003 i bhfeidhm:

Ní mór feachaint chuige go gceaptar oifigeach/ oifigigh lánaimseartha Gaeilge.
Ba chóir go mbeadh scríbhinn Ghaeilge ar chomharthaí, stáiseanóireacht agus ar cháipéisí, ar an mhéid chéanna leis an chló Béarla.
Ní mór feachaint chuige go bhfuil gach seirbhís agus cáipéis, foirmeacha srl. atá ar fáil i mBéarla, ar fáil go comhuaineach i nGaeilge.
Ní mór déanamh cinnte de go bhfuil scríbhínn Gaeilge / fadaí inúsáidte ar an chóras ríomhaireachta. Ní mór féachaint chuige go bhfuil ainmneacha agus seoltaí Gaeilge le fadaí inghlactha ar an chóras ríomhaireachta.
Ba chóir féachaint ar Acht na dTeangacha Oifigiúla mar chuid de sheirbhísí custaiméara an phobail.

Tá muid cinnte go gcuirfear ár moltaí san áireamh i dtaca le dréachtscéimeanna na gcomhlachtaí poiblí. Guíonn muid gach rath ar an obair.

Go raibh maith agat.

Pádraig Ó Cuinneagáin, Rúnaí Glór Bhréifne