Céard a Dhéanaimid - Forbhreathnú

Go príomha, déanann an Roinn seo beartais sna trí Turasóireacht, Cultúr agus Spórt.

Go sonrach, tá na feidhmeanna seo a leanas ag an Roinn:

Cabhrú leis an tionscal turasóireachta forbairt leanúnach a dhéanamh ar earnáil turasóireachta atá inbhuanaithe go heacnamaíoch agus ó thaobh an chomhshaoil de, agus cothromaithe go spásúil, trí raon beartas agus clár tacaíochta a cheapadh, a mhonatórú agus a athbhreithniú, go háirithe laistigh de chreatlach an Phlean Forbartha Náisiúnta agus Comhoibriú Thuaidh/Theas.

beartas agus struchtúir a cheapadh, a fhorbairt agus a mheasúnú chun cleachtadh na n-ealaíon cruthaitheach agus léiritheach, agus tuiscint orthu, a chur chun cinn agus a chothú agus chun forbairt thionscal scannán na hÉireann a spreagadh;
cur ar chumas na n-institiúidí cultúrtha náisiúnta, atá ar bhunghnéithe den chultúr náisiúnta, ár n-oidhreacht inghluaiste agus ár sócmhainní cultúrtha a chaomhnú, a chosaint agus a chur i láthair chun tairbhe na nglún reatha agus amach anseo.

beartas spóirt a cheapadh, a fhorbairt agus a mheasúnú (is é an Chomhairle Náisiúnta Spórt atá freagrach as cur i bhfeidhm an bheartais sin den chuid is mó);
maoirseacht a dhéanamh ar mhórthionscadail spórt, lena n-áirítear an Lárionad Náisiúnta Uiscíochta ag Baile an Aba; tograí a fhorbairt do sholáthar staidiam náisiúnta; riaradh an Chaipitil Spórt agus Chláir Linn Snámha na nÚdarás Áitiúil.